ရွေးကောက်ပွဲတွင်လူငယ်များပါဝင်မှုအား လေ့လာတွေ့ရှိချက်များကို ဆွေးနွေးတင်ပြခြင်းနှင့်ပါတီစုံလူငယ်စကားဝိုင်း သတင်းစာရှင်းလင်းပွဲ

DIPDသည် အောက်တိုဘာလမှစ၍ လူငယ်များ နိုင်ငံရေးပါဝင်မှုနှင့်ပတ်သက်၍ လေ့လာခဲ့ရာ၊ လေ့လာမှုမှတ်တမ်းတွေ့ရှိချက် များအရ လူငယ်ကိုယ်စားလှယ်လောင်းများ ရွေးကောက်ပွဲတွင် ပိုမိုပါဝင်မှုနှင့် အောင်မြင်မှုများရရှိခဲ့သော်လည်း နိုင်ငံရေးဆုံဖြတ်ချက်များချရာတွင် လူငယ်များအတွက် အပြည့်အ၀ကိုယ်စားပြုနိုင်မှု၊ လူငယ် ကျား၊မရေးရာ တန်တူညီမျှမှု၊ ဘဏ္ဍာရေးကိစ္စရပ်များတွင် အခက်အခဲများနှင့်ကြုံနေရဆဲဖြစ်သည်ဟု အလွတ်တန်းအကြံပေးတစ်ဦး ဖြစ်သူ ဦးအောင်ထွန်းမှ DIPDမှ စီစဉ်ကျင်းပသော“ရွေးကောက်ပွဲတွင်လူငယ်များပါဝင်မှုအား လေ့လာတွေ့ရှိချက်များကို ဆွေးနွေးတင်ပြခြင်းနှင့်ပါတီစုံလူငယ်စကားဝိုင်း” ပြောကြားပါသည်။

“ရွေးကောက်ပွဲတွင်လူငယ်များပါဝင်မှုအား လေ့လာတွေ့ရှိချက်များကို ဆွေးနွေးတင်ပြခြင်းနှင့်ပါတီစုံလူငယ်စကားဝိုင်း”ကို ရွေးကောက်ပွဲတွင် ပါဝင်ခဲ့သော လူငယ်အမတ်လောင်းများ၊ ရွေးကောက်ပွဲ အောင်နိုင်ရေးတွင် ပါဝင်ကူညီခဲ့သော လူငယ်အောင်နိုင်ရေးမှူးများ၏ ရွေးကောက်ပွဲအတွေ့အကြုံများကို ပြန်လည်သုံးသပ်နိုင်ရန်၊ ရွေးကောက်ပွဲတွင် လူငယ်များ ပါဝင်မှုနှင့် ဆိုင်သည့် သုံးသပ်ချက်အစီရင်ခံစာများ မျှဝေရန်၊ နိုင်ငံရေးတွင် လူငယ်များပါဝင်လာမှုကိုမြင့်တင်ရန်၊ အနာဂတ်ရွေးကောက်ပွဲများတွင် လူငယ်များပါဝင်မှုပိုမိုများလာစေရန် ရည်ရွယ်၍ ကျင်းပရခြင်းဖြစ်သည်။

ဆွေးနွေးပွဲတွင် နိုင်ငံရေးပါတီ (၂၄) ပါတီမှ အရွေးကောက်ခံ လူငယ်ကိုယ်စားလှယ်လောင်းများ၊ ရွေးကောက်ပွဲအောင်နိုင်ရေးတွင် ပါဝင်ကူညီကြသော ပါတီဝင်လူငယ်ကိုယ်စားလှယ်များကိုဖိတ်ကြားခဲ့ရာ ပါတီအသီးသီးကို ကိုယ်စားပြုသည့် ကိုယ်စာလှယ် ၄၀ဦးခန့် တက်ရောက်ခဲ့ပါသည်။

ဆွေးနွေးပွဲ ပထမရက်တွင် ရွေးကောက်ပွဲအောင်နိုင်ရေးနှင့် ရွေးကောက်ပွဲတွေမှာ လူငယ်တွေပါဝင်မှု အကဲဖြတ်မှုကို ဦးအောင်ထွန်း (Independent Consultant) မှဆွေးနွေးတင်ပြခြင်း၊ တက်ရောက်လာသော လူငယ်ကိုယ်စားလှယ်များမှ ရွေးကောက်ပွဲတွင်ကြုံတွေ့ခဲ့ရသော အောင်မြင်မှု၊ စိန်ခေါ်မှုများအကြောင်း အုပ်စုလိုက်အပြန်အလှန်သုံးသပ်တင်ပြခြင်း၊ ရွေးကောက်ပွဲအပြီး လူငယ်များ၏အခန်းကဏ္ဍအကြောင်းကို ဒေါက်တာ Jeremy Liebowitz မှ ဆွေးနွေးတင်ပြခြင်း၊ ဒုတိယနေ့တွင် လူငယ်များ၏ ခေါင်းဆောင်မှု အခန်းကဏ္ဍနှင့် တာဝန်ယူမှု ကို ပါတီစုံစကားဝိုင်းအနေဖြင့် ပြုလုပ်ကျင်းပခဲ့ပါသည်။

လူငယ်များပါဝင်မှုအကဲဖြတ်မှုတွေ့ရှိချက်အရ ဦးအောင်ထွန်းက ခုလို သုံးသပ်ချက်အရ – လူငယ်များ ပါတီများ၏နိုင်ငံရေးလှုပ်ရှားမှုတွေမှာ ပါဝင်လုပ်ဆောင်ချင်သော်လည်းအနာဂတ်တွင်ပါတီများ၏ ဆုံးဖြတ်ချက်ချ နိုင်သောနေရာများတွင် လူငယ်များ၏ ပါဝင်ပံ့ပိုးခွင့်ရနိုင်ရန်မှာ ပါတီများ၏ ဖွဲ့စည်းပုံအားနည်းနေမှုအပေါ်မှာမူတည်ပြီး လူငယ်များအတွက် အခက်အခဲနှင့်ရင်ဆိုင်နေရဆဲဖြစ်ပါသည်။၂၀၁၅ ရွေးကောက်ပွဲတွင် မြန်မာနိုင်ငံအတွက် လူငယ်များ၏ပါဝင်မှုမှာ အံ့မခန်းအခြေအနေဖြစ်သည်။ လူငယ်များ ရွေးကောက်ပွဲတွင် အခန်းကဏ္ဍအမျိုးမျိုး၌ ပါဝင်ခဲ့ကြတယ်သော်လည်း ထိပ်ပိုင်းနေရာအခန်းဏ္ဍများတွင် ပါတီတွေရဲ့ ဖွဲ့စည်းပုံကန့်သတ်ချက်တွေအရ ပါဝင်ခွင့်တော့ အားနည်းနေသေးသည်။ လူငယ်များ၏ အသိပညာ ကျွမ်းကျင်မှု အတွေ့အကြုံတွေများ လိုအပ်မှုရှိနေသေးသည်ဟု သုံးသပ်ပြောဆိုနေကြသော်လည်း နိုင်ငံသားအသိပညာပေးလုပ်ငန်း (Civic Education)၊ ရွေးကောက်ပွဲဆိုင်ရာအသိပညာပေးလုပ်ငန်း (Voter Education) နှင့် ရွေးကောက်ပွဲအောင်နိုင်ရေး စေတနာ့ဝန်ထမ်း (Capmpaig Volunteers) အနေနဲ့လုပ်ဆောင်မှုများတွင် လူငယ်များ၏ ပါဝင်စွမ်းဆောင်ရည်မှာအတော်ကိုမြင့်မားကြောင်း လူငယ်မဲဆန္ဒရှင်ပေါင်း ခန့်မှန်းခြေ ၁၄သန်းမှ ၁၇ သန်းအတွင်း ရှိသော်လည်း နိုင်ငံရေးပါတီအများစုနဲ့ လူငယ်ကိုယ်စားလှယ်လောင်းများက လူငယ်မဲဆန္ဒရှင်တွေကို မဲဆွယ်ရန်နည်းဗျူဟာသုံးမှုတွင် အားနည်းနေသေးကြောင်းသိရပါသည်။

“ ပါတီတွေအနေနဲ့ ခေါင်းဆောင်ပိုင်းဆုံးဖြတ်ချက်ချတဲ့ နေရာတွေမှာ လူငယ်တွေပါဝင်မှုကို ထည့်သွင်းစဉ်းစားသင့်တယ်” ဟု အလွတ်တန်းအကြံပေး ဦးအောင်ထွန်းမှ သုံးသပ်ပြောကြားပါသည်။